「请讲出申请TPPE所需文件同日数」

「开展前一晚你抹紧地时，production同你讲，真系赶唔切喎...」

「师傅，讲咗夜晚10点先做noisy work喎...」

「件work系好靓好正啊，但入唔到𨋢...」

如果上述的问题都唔小心勾起你的灾难回忆，好可能你都系艺术/文化行政小薯的一分子🥔。

艺术/文化行政小薯是：星期六日有活动，你都要由setup跟到dismantle；无论你派几多张卡片，都未必有人记得你；啊妈唔明你做紧乜，但佢好感受到你好投入（仲好夜收工）。

咁点解你仲会继续做呢行？因为好玩、有意义？或者单纯系，除咗呢样，就无其他嘢想做了🤷🏼‍♀️。

AIRSIDE约好村庄举行小薯发泄倾偈会，透过动态的搓泥和玩复修快乐啤牌，让大家尽诉心中情，倾倾大家如何入行；憧憬和现实之间的落差；工作项目出现过最灾难的事；以及坚持的理由。